काठमाडौं । स्यांजाका जनप्रतिनिधिबीच कुटाकुट बाहिरिएको छ ।
कुटाकुट हुँदा वालिङ नगरपालिक १० का वडाध्यक्ष अनन्तराज गैरेको बायाँ हात भाचिएपछि पोखराकै फेवासिटी अस्पतालमा उपचार भइरहेको छ ।
जिल्ला समन्वय समिति स्याङ्जाका उप–प्रमुख दिलीपकुमार बगाले र वालिङ नगरपालिका वडा नम्बर १० का वडा अध्यक्ष अनन्तराज गैरेबीच कुटाकुट हुँदा सो घटना भएको बताइएको छ ।
उनलाई बिहीबार बिहान नेकपा वालिङ नगर कमिटीका अध्यक्ष राजेन्द्र डुम्रे र छिमेकी धन पराजुलीले उपचारका लागि पोखरा लगेको बताइएको छ ।
तर, जिल्ला समन्वय उप–प्रमुख दिलीपकुमार बगालेले कुटाकुट घटनामा आफ्नो संलग्न नरहेको बताउँदै आएका छन् । तर, उनले सामान्य भनाभन स्वीकार्दै आफूसँगै रहेका केही साथीहरुले घटना घटाएको हुनसक्ने उनले बताए ।
तर, घटना घट्नुको मुख्य कारण के थियो भन्ने चाहिँ खुलेको छैन । मुलुक कोरोना भाइरस रोकथाम तथा नियन्त्रणका बेला जनप्रतिनिधि नै झैँझगडा गरेको यो घटनालाई निकै चासोका साथ हेरिएको छ ।