ललिता निवास प्रकरणमा जोडिएका पूर्वमन्त्रीद्वय डम्बर श्रेष्ठ, छविराज पन्तविरुद्ध म्याद जारी गरेको विशेष अदालतले नेपाली कांग्रेसका उपसभापति विजयकुमारलाई पनि १५ दिने म्याद जारी गरेको छ ।
गच्छदारलाई ललिता निवास सार्वजनिक जग्गा हिनामिना प्रकरणमा अदालतले १५ दिने म्याद जारी गरेको हो ।
अख्तियार दुरुपयोग आयोगले गच्छादारविरुद्ध ९ करोड ६५ लाख ७६ हजार बिगो माग गर्दै भ्रष्टाचार मुद्दा दायर गरेको छ ।
साथै, अदालतले भूमिसुधार तथा व्यवस्था विभागका पूर्व निर्देशकत्रय पुष्पराज उपाध्याय, रुद्रकुमार श्रेठ र मुकुन्द आचार्य, मालपोत कार्यालय डिल्लीबजारका पूर्वप्रमुखद्वय टीकाराम घिमिरे र कलाधर देउजा, शाखा अधिकृत इन्द्रप्रसाद ढुङ्गाना, सुरेन्द्रमान कपाली, धर्मप्रसाद गौतम, समरजङ्ग कम्पनीका पूर्वप्रमुख अर्जुनप्रसाद भण्डारी र नासु श्रीहरी पुडासैनीका नाममा पनि म्याद जारी गरिसकेको छ ।
