प्रधानमन्त्री केपी ओलीले मिर्गौला प्रत्यारोपणका लागि अस्पताल भर्ना हुनुअघि भिडियोमार्फत सम्बोधन गर्ने भएका छन् ।

प्रधानमन्त्री निवास बालुवाटारबाट सोमबार दिउँसो प्रधानमन्त्री ओलीले भिडियो सन्देश दिने भएका हुन् । प्रधानमन्त्री सचिवालयले ओलीले राष्ट्रका नाममा सम्बोधन गर्ने जनाएको छ । प्रधानमन्त्री ओलीले आफू उपचाररत रहँदा सरकारतर्फबाट हुने कार्यसम्पादनबारे पनि भिडियोबाटै बताउने योजना छ ।

प्रधानमन्त्री ओलीको आगामी बुधवार दोस्रोपटक मिर्गौला प्रत्यारोपण हुँदै छ । उनी बुधबार नै महाराजगन्जस्थित त्रिभुवन विश्वविद्यालय शिक्षण अस्पताल भर्ना हुँदै छन् । १३ वर्षअघि पहिलो पटक ओलीले मिर्गौला प्रत्यारोपण गराएका थिए ।