संसद अवरुद्ध हुँदा राष्ट्रिय मुद्दा ओझेल परेको भन्दै अन्य प्रतिपक्षी दलले कांग्रेसलाई संसद बैठक अवरुद्ध नगर्न सुझाव दिएका छन् ।
उनीहरुकै सल्लाह बमोजिम कांग्रेस संसद अवरुद्ध नगर्न सहमत भएको छ । यससँगै राजपा, समाजवादी पार्टी र कांग्रेस मिलेर राष्ट्रिय मुद्दामा सहकार्य गर्ने गरि तीन दलबीच मौखिक सहमति बनेको छ। प्रतिपक्षी ३ दलको सोमबार बसेको बैठकले साझा मुद्दामा एकै स्वर बनाएर संसदमा प्रस्तुत हुने सहमति गरेका हुन् ।
तीन दलको बैठकले मोर्चाबन्दी नगरे पनि साझा मुद्दामा एकै स्थानमा उभिने निर्णय गरेका हुन् । राष्ट्रिय जनता पार्टीको संसदीय कार्यालयमा बसेको बैठकमा राजपाका अध्यक्ष मण्डलका सदस्य महन्थ ठाकुर, नेपाली कांग्रेसकी सचेतक पुष्पा भुसाल र समाजवादीका उमाशंकर अरगरिया लगायतका नेताहरु उपस्थित थिए ।
