काठमाडौं । नेपाली कांग्रेसले आज (शुक्रबार)को संसद बैठक पनि अवरुद्ध गर्ने निर्णय गरेको छ । संसद बैठक शुक्रबार दिउँसो १ बजे बस्दैछ ।
बालुवाटारको ललिता निवास जग्गा प्रकरणमा अख्तियार दुरुपयोग अनुसन्धान आयोगले कांग्रेस उपसभापति विजयकुमार गच्छदारविरुद्ध समेत भ्रष्टाचार मुद्दा दायर गरेपछि कांग्रेसले हिजो पनि संसद बैठक अवरुद्ध गरेको थियो ।
यसैबीच, शुक्रबार बिहान बसेको कांग्रेस संसदीय दलको बैठकले आज पनि संसद अवरुद्ध गर्ने निर्णय गरेको हो ।
कांग्रेसले संवैधानिक आयोगलाई सरकार आफैंले चलाउन खोजेको र पक्षपातपूर्ण निर्णय गरेको आरोप लगाउँदै आएको छ ।
