काठमाडौंः पार्टी उपसभापति विजय गच्छदारविरुद्ध अख्तियार दुरुपयोग अनुसन्धान आयोगले मुद्दा चलाएको विरोधमा नेपाली कांग्रेसले संसद बैठकमा अवरोध गरेको छ । प्रमुख प्रतिपक्षी दल कांग्रेसको अवरोधपछि बिहीबार दिउँसोको संसद बैठक स्थगित भएको छ ।
कांग्रेसले राजनीतिक पूर्वाग्रहका आधारमा आफ्नो पार्टीको नेतालाई फसाइएको भन्दै संसदमा अवरोध गरेको हो । कांग्रेस सांसद पुष्पा भुषालले विशेष समयमा बोल्दै मुलुकको लोकतान्त्रिक अभ्यासलाई कमजोर बनाउने गरी मुद्दा दायर गरिएको बताएपछि संसद अवरुद्ध भएको थियो ।
बैठक शुक्रबार दिउँसो १ बजेसम्मका लागि स्थगित गरिएको छ।
