काठमाडौं : पूर्वराजा ज्ञानेन्द्र शाह झापा पुगेका छन् । प्रत्येक वर्ष जाडो छल्न झापा आउने पूर्वराजा शाह एक महिना झापा बस्ने बताइएको छ । एक महिने बसाइका लागि बुधबार उनी झापा पुगेका हुन् । उनी एक महिना झापाको दमकमा पूर्वराजपरिवारको समित्वमा रहेको हिमालय टिस्टेटमा बस्ने बताइयो छ । त्यहाँ राजदरबार छ ।
शाह बुधबार चन्द्रगढी विमानस्थल भद्रपुरबाट झापा आएका हुन् । स्वागत गर्न सयौँको संख्यामा राजाका समर्थकहरु विमानस्थल आएका थिए ।
शाहका निकटवर्तीहरूका अनुसार उनी करिब एक महिना प्रधानमन्त्री केपी शर्मा ओलीको गृहनगर दमक नगरपालिकामा रहेको आफ्नो स्वामित्वमा रहेको चिया बगानमा रहनेछन् ।
हिउँद सुरु भएपछि पूर्वराजा शाहले प्रायः हरेक वर्ष पूर्वी क्षेत्रमा बिताउने गरेका छन् ।
