काठमाडौं– आगामी मंसिर १४ मा हुने उपनिर्वाचनका लागि राष्ट्रिय प्रजातन्त्र पार्टीले सबै रिक्त स्थानमा उम्मेदवारी दिँदै छ ।
राप्रपाले कास्की २ का लागि उसले रोमबहादुर भण्डारीलाई उम्मेदवार बनाउने निर्णय गरेको छ।
त्यस्तै, प्रदेशसभा अन्तर्गत दाङ ३ (ख) मा भूपाल रावत र बागलुङ २ (ख) मा गणेश कुँवरलाई उम्मेदवार तोकिएको छ। भक्तपुर १ (क) लागि भने यथाशिघ्र उम्मेदवार टुंगो लागि सकेको छैन ।
राप्रपाल अरु तल्लो निकायको उम्मेदवार छनोटको अधिकार भने तल्लो निकायलाई दिएको छ । राप्रपाद्वारा जारी विज्ञप्तिमा भनिएको छ- 'रिक्त स्थानीय तहहरु अन्तर्गत नगरपालिकाको मेयर/उपमेयर पदको उम्मेदवार छनौट गर्न सम्बन्धित प्रदेश कार्य समितिलाई र नगरपालिकाको वडा अध्यक्ष, गाउँपालिकाको अध्यक्ष/उपाध्यक्ष र वडा अध्यक्षको उम्मेदवार छनोट गर्न सम्बन्धित जिल्ला कार्य समितिलाई अधिकार प्रत्यायोजन गरिएको छ ।'
