भ्रष्टचारविरुद्धका अभियन्ता ज्ञानेन्द्र शाहीमाथि चितवनमा भौतिक आक्रमण भएको छ ।
नेपालका लागि नेपाली अभियानका अभियन्ता शाहीमाथि चितवनको चौविसकोटीमा सांघातिक हमला भएको हो ।शाहीमाथि निर्घात कुटपिटपछि प्रहरीले उनको उद्धार गरेको छ ।
शाहीको अभियानले आज चौबिसकोटीमा खबरदारी सभा गर्न लागेको थियो । नेकपाको भ्रातृ संगठनहरुले राजावादीहरुलाई कार्यक्रम गर्न नदिने चेतावनी दिएका थिए ।
यसअघि नेकपा अध्यक्ष पुष्पकमल दाहालले राजावादीहरुको प्रतिकार गर्न कार्यकर्तालाई निर्देशन दिएका थिए । प्रधानमन्त्री केपी शर्मा ओलीले पनि संविधानविरोधी गतिबिधिलाई नियन्त्रण गर्ने बताउँदै आएका थिए ।
ढिलोगरी उद्धार गरेको प्रहरीले आक्रमण गर्ने एक जनालाई नियन्त्रणमा लिएको छ ।
