नेपालमा भएको राजनीतिक परिवर्तनपछिको अभ्यासप्रति सन्तुष्ट हुन सकिनरहँदा चिनियाँ विदेशमन्त्री वाङ यीले आज आइतबारदेखि नेपाल भ्रमण आउँदै छन् ।
विश्वकै शक्तिराष्ट्र चिनियाँ विदेशमन्त्रीको नेपाल भ्रमण सामान्य होइन ।
चिनियाँ राष्ट्रपति सी जिङ पिङको संभावित नेपाल भ्रमणको चाँजोपाँजो मिलाउने भएकाले यो भ्रमणलाई अर्थपूर्ण रुपमा हेरिएको छ ।
त्यस्तै आगामी महिना भारत भ्रमणमा आउँदा चिनियाँ राष्ट्रपति नेपाल पनि आउने संभावना छ । उनी नेपाल नौ घण्टामात्र रहने सूचनाहरु बाहिरिएका छन् ।
सी र भारतीय प्रधानमन्त्री नरेन्द्र मोदीबीच यसपटक हुने भेटघाटमा नेपाल पनि एजेण्डामा पर्ने बताइएको छ । यो क्षेत्रै शक्ति नेताको भेटले यस क्षेत्रमा नयाँ तरंग ल्याउने अनुमान अनुमान धेरैले गरेका छन् ।
यही मेसोमा चिनियाँ विदेशमन्त्रीको नेपाल भ्रमणलाई अर्थपूर्ण मानिएको हो । यसबाहेक नेपाललाई चीनले गर्ने सहयोग तथा नेपालमा संचालित चिनियाँ परियोजनाबारे पनि छलफल हुने छ ।
