भारतको उत्तर प्रदेशका मुख्यमन्त्री योगी आदित्यनाथले नेपाल हिन्दुराष्ट्रका लागि तयार हुने बताएसँगै नेपालको राजनीति तरंगित हुन पुगेको छ ।
हिन्दुवादी नेता एवं भारतीय प्रधानमन्त्री नरेन्द्र मोदीको विश्वासपात्र योगीको अभिव्यक्तिले भारतको सत्तारुढ दल भारतीय जनता पार्टी विजेपी नेपाललाई हिन्दू राष्ट्रमा फर्काउने प्रष्ट चाहना र योजनामा छ भनेर कतिपयले अर्थ लगाएका छन् ।
योगीको यो अभिव्यक्तिपछि काठमाडौंमा कतिपयको निन्द्रा भंग भएको छ । लखनऊस्थित मुख्यमन्त्री कार्यालय (लोकभवन) मा नेपाली पत्रकारको टोलीसँग योगी आदित्यनाथले कुराकानी गरेका थिए ।
के भनेका थिए योगीले ?
हरेक देशको पहिचान हुन्छ । विश्वका हिन्दुहरूले नेपाललाई हिन्दुराष्ट्रका रूपमा चिन्छन् । दुनियाँको भावना समेट्न नेपाल तयार हुनेछ । नेपाल हिन्दु राष्ट्र हुँदा विश्वभरका हिन्दुको भावनात्मक सम्बन्ध हुने र तीन करोड जनसंख्या भएको नेपालले विश्वका एक सय करोड हिन्दुको तागत प्रयोग गर्नसक्छ ।
हिन्दु राष्ट्रमार्फत धार्मिक पर्यटनलाई विस्तार गर्न सक्छ नेपालले । पशुपतिनाथको दर्शन गर्न कहाँ जाने ? नेपाल। मुक्तिनाथ कहाँ पर्छ ? नेपालमा । अन्य सांस्कृतिक धरोहर पनि नेपालमै छन्। विश्वका हिन्दुको यो तागतलाई धार्मिक पर्यटनको विकासँग जोड्न सकिन्छ।
र्म निरपेक्षता ब्रिटेनले समेत मानेको छैन । धर्मनिरपेक्ष भने पनि मुलुकको पहिचान कहिँ न कहिँ धर्मसँग जोडिने गर्दछ । नेपालले हिन्दु अजेण्डामा पुनर्विचार गर्नुपर्छ । नेपाल हिन्दु राष्ट्र भएको भारत हेर्न चाहन्छ ।
