पराराष्ट्रमन्त्री प्रदीपकुमार ज्ञवालीले नेपाल भारत सीमा विवाद कूटनीतिक वार्ताबाटै समाधान गर्ने बताएका छन् ।
उनले भने, ‘हामी नेपाल-भारत सीमा विवाद वार्ताबाटै समाधान गर्छाैँ ।’
सोमबार राष्ट्रिय सभाकाे बैठकमा विशेषा समय बोल्दै परराष्ट्रमन्त्री ज्ञवालीले यस्तो बताएका हुन् ।
इतिहासले गाँठो कसेर छोडेको विषय भएको भएको बताउँदै उनले यो विषय सम्वादबाटै समाधान हुन्छ, गर्नुपर्छ र गर्न सकिन्छ भन्नेमा सरकार विश्वस्त रहेको बताए ।
नेपाल र भारतबीच पछिल्लो समय लिम्पयाधुरा, कालापानी र लिपुलेकमा सीमा विवाद चर्किएको छ । गत नोभेम्बरमा भारतले लिपुलेक क्षेत्रलाई समेटेर नयाँ नक्सा जारी गरेपछि नेपालले कूटनीतिक नोट पठाएर विरोध गरेको थियो । तर, भारतले १९ नाेभम्बर २०१९ मा सार्वजनिक गरेको नक्सामा नेपालकाे लिम्पियाधुरालगायतकाे भूमि समेटेको थिएन ।
तर कोरोना महामारीकै बेलामा भारतले नेपालकाे भूमिमा बनेको बाटो उद्घाटन गरेपछि नेपाल भारत सीमा चर्किएको छ ।
नेपालले लिम्पियाधुरा, कालापानी र लिपुलेक क्षेत्रलाई समेटेर सरकारले नयाँ राजनीतिक नक्सा जारी गरेको छ । त्यसअनुसार निशान छाप परिर्वतन भई हाल कार्यान्वयनमा आएको छ ।
