अफगानिस्तानको कन्दहारमा अमेरिकी ब्ल्याक हक हेलिकप्टर उडिरहेको अनि त्यसमा गाँसिएको डोरीमा एउटा मानिसको शरीर झुण्डिरहेको भिडियो सार्वजनिक भएको छ ।
ट्विटरमा कैयौं पत्रकारले उक्त भिडियो क्लिप शेयर गर्दै तालिबान लडाकूहरूले मान्छे मारेर अमेरिकी सैन्य हेलिकप्टरमा लाश झुण्ड्याएको दाबी गरिरहेका छन् ।
भिडियोमा मानिस अमेरिकी हेलिकप्टरमा झुण्डिएको देखिन्छ । तर ती मानिस जिउँदै छन् कि छैनन् भन्ने स्पष्ट हुँदैन । विभिन्न समाचारमा तालिबहरूले मारेको मानिसको शव डोरीमा बाँधिएको भनी लेखिएको छ ।
तालिबानसँग आबद्ध रहेको भनिएको तालिब टाइम्सले लेख्यो, ‘हाम्रो वायुसेना । अहिले इस्लामिक अमिरातको वायुसेनाका हेलिकप्टरहरू कन्दहार शहरको गश्ती गरिरहेका छन् ।’
द डेली मेलका अनुसार, अमेरिकाले अफगानिस्तानलाई गत महिना कम्तीमा सातवटा ब्ल्याक हक हेलिकप्टर दिएको थियो । त्यसबाहेक विगत २० वर्षमा उनले थप उपकरणहरू बनाएको छ । रक्षासम्बन्धी सबै उपकरण अहिले अफगानिस्तानमा परित्यक्त अवस्थामा छन् ।
मंगलवार हतारहतार गरेर अमेरिका निस्कँदा ७३ वटा विमान, २७ वटा हम्भी, हतियार प्रणाली तथा उच्च प्रविधियुक्त रक्षा उपकरण बेकामे बनाएर गएको अमेरिकी सेनाको भनाइ छ ।
काबुल विमानस्थलबाट अमेरिकी सैनिकहरू हटेपछि तालिबान त्यहाँ प्रवेश गरेर चिनूक हेलिकप्टर र अन्य रक्षा उपकरणको निरीक्षण गरेको भिडियो सार्वजनिक भएको छ ।
If this is what it looks like… the Taliban hanging somebody from an American Blackhawk… I could vomit. Joe Biden is responsible.
— Liz Wheeler (@Liz_Wheeler) August 30, 2021
pic.twitter.com/muHLEi3UvK
