जापानमा भारी वर्षाका कारण जोखिम आउन सक्ने भन्दै झण्डै २० लाख मानिसलाई घर छोडेर सुरक्षित स्थानमा जान भनिएको छ ।
फुकुओका र हिरोशिमासहितका क्षेत्रमा भारी वर्षाका कारण जोखिम आउन सक्ने भन्दै स्थानीयलाई सुरक्षित स्थानमा जान अपिल गरिएको हो ।
लगातारको वर्षासँगै आएको पहिरोका कारण घर भत्किँदा नागासाकीमा एक महिलाको मृत्यु भएको छ । उनका श्रीमान र छोरी बेपत्ता भएका छन् ।
उद्धार तथा राहतका लागि १५० भन्दा बढी सुरक्षाकर्मी, प्रहरी तथा अग्निनियन्त्रक खटिएका छन् ।
बेपत्ताहरुको खोजी तथा उद्धारसँगै सम्भावित लेदोसहितको पहिरोलाई लिएर चनाखो रहेको स्थानीय अधिकारीले बताएको समाचार संस्था एएफपीले जनाएको छ ।
जापानको पश्चिमी क्षेत्र भारी वर्षाका कारण प्रभावित भएको छ ।
अझै केही दिन जापानका विभिन्न क्षेत्रमा लगातार भारी वर्षा हुने बताइएको छ ।
Japanese weather officials have added Hiroshima Prefecture to their highest-level emergency rain warning. That's in addition to the three prefectures of Saga, Nagasaki and Fukuoka.
— NHK WORLD News (@NHKWORLD_News) August 14, 2021
Click the link for more details: https://t.co/OVD4mApT60 pic.twitter.com/Uura70eHH1
