१८ अगस्टमा पोस्ट कोभिड केयरका लागि भर्ना भएका भारतका केन्द्रीय गृहमन्त्री अमित शाह एम्स अस्पतालबाट डिस्चार्ज भएका छन् ।
१८ अगस्टमा पोस्ट कोभिड केयरका लागि सो अस्पताल भर्ना भएका उनी सोमबार डिस्चार्ज भएका हुन् । शरीर दुख्ने, थकान र रिंगटा लाग्ने समस्याका कारण उनी कोरोनामुक्तपश्चात सो अस्पताल भर्ना भएका थिए ।
उनमा अगस्ट २ मा कोरोनाको संक्रमण पुष्टि भएको थियो । उनमा कोरोना पुष्टि भएपिछ मेदान्त अस्पतालमा भर्ना गरिएको थियो । सो अस्पतालबाट उनी १४ अगस्टमा डिस्चार्ज भई एम्समा भर्ना भएका थिए ।
हालसम्म भारतमा कोरोना संक्रमितको ३६ लाख १९ हजार १ सय ६९ पुगेको छ । पछिल्लो २४ घण्टामा ७९ हजार चार सय ५७ जनामा कोरोना पुष्टि भएको छ ।
