काठमाडौं । सभामुख अग्निप्रसाद सापकोटाको दाँतको माइनर सर्जरी गरिएको छ ।
आज (मंगलबार) विहान वीर अस्पतालको डेन्टल विभागमा सापकोटाको माइनर ओरल सर्जरी गरिएको हो । सर्जरी गरेर उनको दायाँ पट्टि तल्लो भागको एउटा दाँत निकालिएको छ ।
डेन्टल विभागकी प्रमुख डा. शैली प्रधान, डा. किशोर भण्डारी लगायतको चिकित्सकको टोलीले चेकजाँचपश्चात सर्जरी गरेको हो ।
सभामुख सापकोटाको दाँतमा समस्या आएपछि एक महिना अघि सर्जरीको समय लिइएको थियो । सर्जरीमा संलग्न चिकित्सकहरुले उपचार प्रक्रिया जारी रहेको बताएका छन् ।
चिकित्सकको सुझाव अनुसार सभामुख सापकोटा निवासमा आराम गरिरहेका छन् ।
