काठमाडौं । प्रधानमन्त्री शेरबहादुर देउवाले अमेरिकाबाट फाइजर खोप ल्याउन सकिने अवस्थाबारे स्वास्थ्य मन्त्रालय र सिसिएमसी पदाधिकारीसँग छलफल गरेका छन् ।
देउवाको निजी निवास बुढानिलकण्ठमा देउवालाई भेट्न पुगेका कोभिड संकट व्यवस्थापन केन्द्र निर्देशक समिति (सिसिएमसी) का अध्यक्ष बालानन्द शर्मा र स्वास्थ्य मन्त्रालयका सचिव लक्ष्मण अर्यालले देउवालाई ब्रिफिङ गरेका थिए ।
फाइजर खोप ल्याउन भइरहेको प्रगति, गर्नुपर्ने काम र नेपालमा खोप भण्डारणको अवस्थाबारे देउवाले सोधेका थिए । माइनस ७० डिग्री सेल्सियसमा भण्डारण गर्नुपर्ने फाइजर खोपको कोल्ड चेन नेपालमा छैन ।
प्रधानमन्त्री देउवासँगको भेटमा स्वास्थ्य मन्त्रालयका पदाधिकारीले १२ देखि १८ वर्ष उमेरका बालबालिकालाई लगाउन आवश्यक भएकाले ल्याउन पहल भइरहेको बताएका थिए ।
साथै, २ करोड ५० लाख जनसंख्यालाई कोरोना खोप आवश्यक परेको जानकारी मन्त्रालयले गराएको थियो ।
