नेपालमा पछिल्लो २४ घण्टामा १ हजार ६०३ जना कोरोना संक्रमित थपिएका छन् ।
एक दिनयता २७ जनाले ज्यान गुमाएका छन् । स्वास्थ्य तथा जनसङ्ख्या मन्त्रालयका अनुसार पीसीआर र एन्टिजन गरी ८ हजार १ सय ३२ जनाको परीक्षण गरिएको थियो ।
त्यसमध्ये १ हजार ६०३ जनामा संक्रमण भेटिएको मन्त्रालयका प्रवक्ता डा. कृष्णप्रसाद पौडेलले जनाएका छन् । पीसीआरबाट १ हजार ४२ जना र एन्टिजनबाट ५ सय ६१ जनामा संक्रमण देखिएको हो ।
नेपालमा कर्णाली प्रदेशमा सबैभन्दा बढी संक्रमण दर देखिएको छ । पीसीआर विधिबाट गरिएको परीक्षणमध्ये ४० प्रतिशतमा संक्रमण देखिएको हो ।
नेपालभरमा गएको २४ घण्टामा पीसीआर विधिबाट ४ हजार ८ सय ७६ र एन्टिजन विधिबाट ३ हजार २ सय ५६ परीक्षण भएको थियो।
सक्रिय संक्रमित ५०० भन्दा बढी रहनेमा ९ वटा जिल्ला छन् ।