काठमाडौं । पछिल्लो २४ घण्टामा देशभर थप ६८२५ जनामा कोरोना भाइरस पुष्टि भएको छ । मन्त्रालयका अनुसार २१ हजार ७७३ जनामा कोरोना परीक्षण गर्दा ६८२५ जनामा संक्रमण पुष्टि भएको हो । जसमा एन्टिजेन विधिबाट  ३२११ जनाको परीक्षण भएको छ भने पिसिआर विधिबाट १८ हजार ५६२ जनामा परीक्षण भएको छ । 
योसँगै देशभर कोरोनाभाइरस संक्रमितको कुल संख्या पाँच लाख ७६ हजार ९३६ पुगेको छ भने निको हुनेको संख्या चार लाख ६७ हजार ४६७ जना पुगेको छ । 

यस्तै, जनसंख्या मन्त्रालयले पछिल्लो २४ घन्टामा थप ५९०४  जना निको भएको जनाएको छ । मन्त्रालयका अनुसार सोही अवधिमा ७५ जनाले ज्यान गुमाएका छन् । योसँगै कोरोनाका कारण मृत्यु हुनेको संख्या सात हजार ६३० पुगेको छ । 
हाल देशभर कोरोनाको सक्रिय संक्रमित एक लाख एक हजार ८३९ जना छन्  ।