काठमाडौं । नेपालमा थप २६६ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार कुल ४५३६ जनामा पिसिआर परीक्षण गर्दा उल्लेखित संख्यमा कोरोना संक्रमण पुष्टि भएको हो । आइतबार ३४५६ जनामा पिसिआर परीक्षण गर्दा १७६ जनामा संक्रमण पुष्टि भएको थियो ।
सोमबार संक्रमण पुष्टि हुनेमा काठमाडौंमा ९८, ललितपुरमा २६, भक्तपुरमा १३, चितवनमा ३७ र कास्कीमा १९ जना छन् ।
नेपालमा हालसम्म संक्रमितको संख्या दुई लाख ७८ हजार २१० रहेको छ । जसमध्ये दुई लाख ७३ हजार ३४२ जना निको भएका छन् । पछिल्लो २४ घण्टामा कोरोना संक्रमणका कारण दई जनाको मृत्यु भएको छ ।
