काठमाडौं । राष्ट्रियसभाका एक सांसदमा कोरोना भाइरस संक्रमण पुष्टि भएको छ ।
हिजो (बिहीबार) सांसदहरुको कोरोना परीक्षणका लागि स्वाब संकलन गरिएको थियो ।
स्वाब परीक्षणका क्रममा एक जना सांसदमा कोरोना संक्रमण पुष्टि भएको संसद सचिवालय स्रोतले जानकारी दिएको छ ।
हिजो ४४ जना सांसदको स्वाब परीक्षण गरिएको थियो ।
त्यस्तै हिजो नै स्वाब परीक्षण गराएका ५६ कर्मचारीमध्ये पाँच जना कर्मचारीमा समेत कोरोना संक्रमण पुष्टि भएको सचिवालय स्रोतले जनाएको छ ।
राष्ट्रियसभाको हिउँदे अधिवेशन आज (शुक्रबार) सुरु हुँदैछ । कोरोना संक्रमित सांसद अधिवेशनमा सहभागी हुन पाउने छैनन् ।
