काठमाडौं । पछिल्लो २४ घन्टामा नेपालमा थप ८३० जनामा कोरोना संक्रमण पुष्टि भएको छ ।

आइतबार स्वास्थ्य तथा जनसंख्या मन्त्रालयले देशभरमा थप ८३० जनामा कोरोना संक्रमण पुष्टि भएको जानकारी दिएको हो । 

योसँगै नेपालमा हालसम्म कोरोना संक्रमितको संख्या २ लाख ४८ हजार ४२३ पुगेको छ । हाल देशभर १० हजार ९९४ सक्रिय संक्रमित रहेका छन् ।

त्यस्तै पछिल्लो २४ घण्टामा १ हजार ५०० जना कोरोना संक्रमित कोरोनामुक्त (डिस्चार्ज) भएका छन् । साथै पछिल्लो २४ घण्टामा थप ९ जनाको मृत्यु भएसँगै मृतकको संख्या एक हजार ६९८ पुगेको मन्त्रालयले जनाएको छ ।