विराटनगर । पछिल्लो २४ घण्टामा प्रदेश १ मा थप ५६ जना कोरोना संक्रमित पहिचान भएका छन् । पहिचान भएका संक्रमितमध्ये २० महिला र ३६ पुरुष छन् । कुल १७६ जनामा परीक्षण गर्दा उल्लेखित संक्रमित पहिचान भएका हुन् ।
त्यसैगरी यो प्रदेशमा पछिल्लो २४ घन्टामा ७४० कोरोना संक्रमित निको भएर घर फर्किएका छन् । उल्लेखित संख्या घर फर्केसँगै कोरोनामुक्त भई घर फर्कनेको संख्या १८ हजार ८६८ पुगेको छ ।
सामाजिक विकास मन्त्रालयका अनुसार थपिएका सङ्क्रमितमा मोरङमा ३१ मध्ये विराटनगरमा १९, झापामा १७, सुनसरीमा चार, इलाममा एक र प्रदेश बाहिरका तीन जना छन् । प्रदेश १मा हालसम्म कुल एक लाख ७९ हजार २६९ को पिसिआर परीक्षण गरिएको छ । सो प्रदेशमा हाल होम आइसोलेसनमा ७३४ जना रहेको मन्त्रालयले जनाएको छ ।
