काठमाडौं । पछिल्लो २४ घन्टामा नेपालमा कोरोना संक्रमणबाट थप १३ जनाको मृत्यु भएको छ ।

स्वास्थ्य तथा जनसंख्या मन्त्रालयका अनुसार नेपालमा अहिलेसम्म कोरोना संक्रमणबाट ज्यान गुमाउनेको संख्या एक हजार २०२ पुगेको छ ।

पछिल्लो २४ घन्टामा दुई हजार १११ जनामा कोरोना संक्रमण देखिएको मन्त्रालयले जनाएको छ । पछिल्लो २४ घन्टामा तीन हजार ५३७ जना कोरोना मुक्त भएका छन् ।

मन्त्रालयका अनुसार देशभर संक्रमितको संख्या दुई लाख ६ हजार ३५३ जना पुगेको छ ।

संक्रमितमध्ये एक लाख ६८ हजार १२९ जना कोरोना मुक्त भएका छन् ।