काठमाडौं । पछिल्लो २४ घण्टामा नेपालमा थप दुई हजार ९०९ जनामा कोरोना भाइरस संक्रमण पुष्टि भएको छ ।
शुक्रबार स्वास्थ्य तथा जनसंख्या मन्त्रालयले देशभरमा थप दुई हजार ९०९ जनामा कोरोना संक्रमण पुष्टि भएको जानकारी दिएको हो ।
योसँगै नेपालमा हालसम्म कोरोना संक्रमितको संख्या एक लाख ८८ हजार ८८३ पुगेको छ ।
हाल देशभर ३४ हजार ९०५ जना सक्रिय संक्रमित रहेका छन् ।
त्यस्तै पछिल्लो २४ घण्टामा चार हजार ५०० जना कोरोना संक्रमित कोरोना मुक्त (डिस्चार्ज) भएका छन् ।
योसँगै डिस्चार्ज हुनेको संख्या एक लाख ५२ हजार ९०८ पुगेको मन्त्रालयले जनाएको छ ।
पछिल्लो २४ घण्टामा थप १८ जना कोरोना संक्रमतिको मृत्यु भएको छ । योसँगै मृतकको संख्या एक हजार ७० पुगेको छ ।