काठमाडौं । पछिल्लो २४ घण्टामा काठमाडौं उपत्यकामा थप एक हजार ७०२ जनामा कोरोना भाइरस संक्रमण पुष्टि भएको छ ।
आज स्वास्थ्य तथा जनसंख्या मन्त्रालयको नियमित प्रेस ब्रिफिङमा मन्त्रालयका प्रवक्ता प्राडा जागेश्वर गौतमले काठमाडौं उपत्यकामा थप एक हजार ७०२ जनामा कोरोना संक्रमण पुष्टि भएको जानकारी दिए ।
प्रवक्ता गौतमका अनुसार काठमाडौंमा मात्रै एक हजार ४३१ जनामा कोरोना संक्रमण पुष्टि भएको छ ।
त्यसैगरी भक्तपुरमा १४८ जना र ललितपुरमा १२३ जना कोरोना संक्रमित थपिएको मन्त्रालयले जनाएको छ ।
यसअघि हिजो काठमाडौं उपत्यकामा दुई हजार ३८८ जना कोरोना संक्रमित थपिएका थिए ।
मन्त्रालयका अनुसार आज देशभर सक्रिय संक्रमितको संख्या ४१ हजार ७७५ रहेको छ ।
