काठमाडौं । नेपालमा पछिल्लो २४ घण्टामा थप १५ सय ५१ जनामा कोरोना भाइरस संक्रमण पुष्टि भएको छ ।
मंगलबार स्वास्थ्य तथा जनसंख्या मन्त्रालयको नियमित प्रेस ब्रिफिङमा मन्त्रालयका प्रवक्ता प्राडा जागेश्वर गौतमले पछिल्लो २४ घण्टामा देशभरमा थप १५ सय ५१ जनामा कोरोना संक्रमण पुष्टि भएको जानकारी दिए ।
मन्त्रालयका अनुसार, आज २२ हजार ७०९ जना सक्रिय संक्रमित छन् ।
देशभर संस्स्थागत आइसोलेसनमा ९ हजार ११८ जना रहेका छन् ।
पछिल्लो २४ घण्टामा थप ११ हजार ४७ पिसिआर परीक्षण भएको छ । योसँगै अहिलेसम्म १० लाख ९९ हजार २७६ पिसिआर परीक्षण भएको छ ।
त्यस्तै पछिल्लो २४ घण्टामा थप दुई हजार ३४० जान कोरोना संक्रमित निको (डिस्चार्ज) भएका छन् । योसँगै हालसम्म डिस्चार्ज हुनेको संख्या ६७ हजार ५४२ पुगेको छ ।
यो कूल संक्रमितको ७४.३ प्रतिशत हो ।
