काठमाडौं । विश्वभर महामारीका रुपले फैलिएको कोरोना भाइरस गण्डकी प्रदेशमा आज (बिहीबार) फेरि ४९ जना कोरोना संक्रमित थपिएका छन् ।
स्वास्थ्य निर्देशनालय गण्डकी प्रदेशका निर्देशक डाक्टर बिनोदबिन्दु शर्माका अनुसार आज थपिएका संक्रमितहरुमा पोखरा महानगरपालिकाका १९ जना, बागलुङ जिल्ला जैमिनी नगरपालिका १ जना, बरेङ गाउँपालिकाका १ जना र गलकोट नगरपालिकाका १ जना रहेका छन् ।
यस्तै पर्वतका १ जना, तनहुँको भिमादका ३ जना, स्याङ्जाको पुतलीबजार नगरपालिकाका १२ जना र नवलपरासी (बर्दघाट सुस्ता पूर्व) को कावासोती नगरपालिकाका ३ जना र देवचुली नगरपालिकाका १ जना रहेका छन् ।
पोखरा महानगरपालिका १५ का २३ वर्षीया महिला पश्चिमाञ्चल सामुदायिक अस्पताल, पोखरामा कार्यरत स्टाफ नर्स रहेका छन् । यससँगै गण्डकी प्रदेशमा कोरोना सङ्क्रमितको कुल सङ्ख्या २ हजार ७२८ जना पुगेको छ ।