काठमाडौं । नेपालका पाँच जिल्लामा सक्रिय संक्रमितको संख्या शून्यमा झरेको स्वास्थ्य तथा जनसंख्या मन्त्रालयले जनाएको छ ।
यसअघि हिजो (सोमबार) सम्म कोरोना संक्रमित शून्य भएको जिल्ला दुई वटा मात्र थियो ।
स्वास्थ्य तथा जनसंख्या मन्त्रालयका अनुसार सोलुखुम्बु, मुस्ताङ, हुम्ला, होल्पा र मुगुमा सक्रिय संक्रमित देखिएका छैनन् ।
त्यस्तै १२ वटा जिल्लामा भने पाँच सयभन्दा बढी सक्रिय संक्रमित रहेको मन्त्रालयले जनाएको छ ।
काठमाडौं, ललितपुर, चितवन र रुपन्देहीमा ५०० बढी संक्रमित छन् । त्यस्तै पर्सा, बारा, सर्लाही, रौतहट, धनुषा, महोत्तरी, मोरङ र सुनसरीमा पनि ५०० भन्दा बढी सक्रिय संक्रमित छन् ।
