काठमाडौं । नेपालमा पछिल्लो २४ घण्टामा १ हजार ६९ जनामा कोरोनाभाइरस संक्रमण पुष्टि भएको छ ।
मंगलबार स्वास्थ्य तथा जनसंख्या मन्त्रालयको नियमित प्रेस ब्रिफिङमा मन्त्रालयका प्रवक्ता प्रा.डा. जागेश्वर गौतमले देशभरका प्रयोगशालामा गरिएको परीक्षणमा १ हजार ६९ जनामा संक्रमण पुष्टि भएको जानकारी दिए ।
योसँगै नेपालमा कुल संक्रमितको संख्या ४० हजार ५२९ पुगेको छ । सक्रिय संक्रमितको संख्या १८ हजार ११२ जना छन् । साथै हाेम आइसाेलेशनमा ७ हजार २८० जना छन् ।
विगत २४ घण्टामा १२ हजार ८८ जनाको पिसिआर परीक्षण गरिएकाे हाे । आज थप ७६८ कोरोनामुक्त भएर डिस्चार्ज हुनेको संख्या २२ हजार १७८ पुगेको छ ।
