काठमाडौं । वरिष्ठ लोक गायक प्रेमराजा महतका दम्पति कोरोना संक्रमणमुक्त भएका छन् । गायक महत र उनकी श्रीमती कविता महत कोरोना संक्रमणमुक्त भएको प्रेमराजा आफैले सामाजिक सञ्जाल फेसबुकमार्फत एक लामो स्टाटस लेखेर आफ्ना शुभचिन्तकहरुलाई जानकारी दिएका हुन् ।

उनले उक्त स्टाटसमा गत अगस्त ७ तारिखमा आफू र श्रीमती कवितालाई कोरोना संक्रमण भएको बताएका छन् ।

‘विश्वभरी रहेका हजारौं हजार इष्टमित्रहरूको आशिर्वाद र माया प्रेमले हामीलाई यति हिम्मत दियो कि घातक संक्रमण गर्ने विश्व महामारीको मूलजड कोरोनालाई परास्त गर्ने सफलता मिल्यो’, महतले लेखेका छन् । हाल उनि श्रीमतीसहित अमेरिकामा बस्दै आएका छन् ।