काठमाडौं । काठमाडौंको थापाथलीस्थित प्रसुती गृहमा थप आठ जनामा कोरोना (कोभिड–१९) संक्रमण पुष्टि भएको छ ।
प्रसुती गृहमा कार्यरत तीन आवासीय चिकित्सकसहित आठ जनामा कोरोना संक्रमण देखिएको हो ।
संक्रमित हुनेमा नर्स, फार्मेसीमा काम गर्ने व्यक्ति, प्राविधिक र सुरक्षा गार्डका साथै अस्पतालमा रहेको बैंकका कर्मचारी छन् ।
संक्रमितमध्ये दुई जना अस्पतालको आइसोलेसनमा छन् । बाँकी संक्रमित भने होम आइसोलेसनमा रहेको अस्पताल स्रोतले जनाएको छ ।