काठमाडौं । महानगरीय प्रहरी वृत्त महाराजगञ्जमा एक थुनुवासहित पाँच जना प्रहरीलाई कोरोना संक्रमण पुष्टि भएको छ ।
यसअघि कर्तव्य ज्यान मुद्दाका एक आरोपी (थुनुवा) मा कोरोना संक्रमण पुष्टि भएको थियो ।
ती अभियुक्तमा संक्रमण देखिएपछि गरिएको कन्ट्याक ट्रेसिङका आधारमा थप पाँच जना प्रहरीलाई पनि संक्रमण देखिएको हो ।
संक्रमित अभियुक्तलाई जोरपाटीस्थित नेपाल मेडिकल कलेज भर्ना गरिएको छ ।
संक्रमित प्रहरीलाई भने नेपाल प्रहरी अस्पतालमा भर्ना गरिएको काठमाडौं प्रहरी प्रमुख (एसएसपी) श्यामलाल ज्ञवालीले जानकारी दिए ।
