भारतका पूर्वराष्ट्रपति प्रणव मुखर्जीलाई कोरोना भाइरस संक्रमण भएको छ।

कोरोना परीक्षण गर्दा रिपोर्ट पोजिटिभ आएको मुखर्जीले ट्वीटमार्फत् जानकारी दिएका छन् ।

उनले ट्वीटमा लेखेका छन्, ‘आज अर्को छुट्टै प्रक्रियाका लागि अस्पताल जाँदा मलाई कोभिड (१९) पुष्टि भएको छ । मेरो सम्पर्कमा आउनु भएका सबैलाई सेल्फ आइसोलेट भएर बस्न र परीक्षण गर्न अनुरोध गर्दछु।’

यसअघि भारतमा गृहमन्त्री अमित शाह, बलिउड कलाकार अमिताभ बच्चन लगायतलाई कोरोना संक्रमण पुष्टि भइसकेको छ।