काठमाडौं । रुपन्देहीको देवदहमा रहेको एक बैंकमा कार्यरत महिला कर्मचारीमा कोरोना संक्रमण पुष्टि भएको छ ।
लुम्बिनी प्रादेशिक अस्पताल बुटवलमा गरिएको पीसीआर परीक्षण गर्दा उनमा कोरोना संक्रमण पुष्टि भएको हो ।
बैंककी कर्मचारीमा कोरोना संक्रमण पुष्टि भएपछि उक्त बैंकको शाखा कार्यालय बन्द गरी कन्ट्याक्ट ट्रेसिङको काम सुरु गरिएको देवदह नगरपालिकाका स्वास्थ्य शाखाले बताएको छ ।
कोरोना संक्रमित कर्मचारीलाई पाँच दिनदेखि रुघा र ज्वरो आएपछि उनी आफैँ सोमबार लुम्बिनी प्रादेशिक अस्पतालमा गएर कोरोना परीक्षण गरेकी थिइन् ।
