काठमाडौं । इलाममा सशस्त्र प्रहरी बल हेडक्वाटरमा थप १७ जना कोरोनाको संक्रमण पुष्टि भएको छ ।
सशस्त्र प्रहरी बल, हेडक्वार्टर नम्बर १ गण इलाममा कार्यरत उनीहरुमा शनिबार कोरोना पुष्टि भएको हो ।
यसअघि संक्रमण देखिएका ११ जनाको सम्पर्कमा आएहरुको परीक्षण गर्दा उनीहरुमा संक्रमण पुष्टि भएको बताइएको छ । ४० जनाको स्वाब परीक्षण गराउँदा शनिबार १७ जनामा रिपोर्ट पोजेटिभ आएको हो ।
शनिबार थप १७ मा कोरोना पुष्टि भएसँगगै इलाममा संक्रिमतको कुल संख्या २८ पुगेको छ । संक्रमित सबैलाई पूर्वाञ्चल विश्वविद्यालय आइसोलेसन गोठगाउँमा पठाइएको छ बाँकी सशस्त्र प्रहरीको पुनः स्वाब संकलन गर्ने तयारी गरिएको छ ।
