काठमाडौं । स्वास्थ्य मन्त्रालयले पछिल्लाे २४ घण्टामा काठमाडौं उपत्यमा थप तीन जनामा कोरोना पुष्टि भएको जनाएको छ ।
मन्त्रालयको नियमित प्रेस ब्रिफिङमा मन्त्रालयका प्रवक्ता प्राडा. जागेश्वर गौतमले यस्तो जानकारी दिएका हुन् ।
‘काठमाडौँ र ललितपुरमा गरी ३ जना संक्रमित थपिएको जानकारी दिए। योसँगै काठमाडौंँमा संक्रमित हुनेको संख्या २ सय ४७ र ललितपुरमा ७७ पुगेको छ,’ उनले भने ।
काठमाडौं उपत्यकासहित पछिल्लो २४ घण्टामा देशका विभिन्न प्रयोगशालामा गरिएको परीक्षणमा थप १ सय ५६ जनामा कोरोना भाइरसको संक्रमण पोजेटिभ देखिएको छ । देशभर संक्रमितको संख्या १७ हजार ६ सय ५८ पुगेको छ।
त्यसैगरी, पछिल्लो २४ घण्टामा डिस्चार्ज हुनेको संख्या ५८ पुगेको छ । योसँगै डिस्चार्ज हुनेको संख्या ११ हजार ६ सय ९५ पुगेको छ।
