काठमाडौं । नेपालमा कोरोनामुक्त हुनेकाे संख्या दैनिक रुपमा बढ्दो क्रममा रहेकाे छ । 

हालसम्म कोरोना भाइरसबाट निको हुनेको संख्या ११ सय ५८ पुगेका छ । स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार मंगलबार मात्रै थप १ सय १७ जना पूर्ण रुपमा निको भएर घर फर्किएका हुन् ।

त्यस्तै आजसम्म देशभर पीसीआर विधिबाट १ लाख ४३ हजार ७ सय ३८ परीक्षण गरिएको छ भने आरडीटी विधिबाट २ लाख २३ हजार ५ सय १९ परीक्षण गरिएको छ ।