काठमाडौं । नेपालमा थप ९ जनामा कोरोना संक्रमण पुष्टि भएको छ ।
योसँगै नेपालमा कुल संक्रमित संख्या २५८ पुगेको छ ।
स्वास्थ्य मन्त्रालयका अनुसार राष्ट्रिय जनस्वास्थ्य प्रयोगशाला टेकु र नेपालगन्जमा गरिएको परीक्षणमा नयाँ संक्रमित भेटिएका हुन् ।
त्यसमध्ये एक जना मकवानपुरका ३७ वर्षीय पुरुष छन् । त्यस्तै बाँके नैनापुरका १८ देखि ३६ वर्ष उमेर समूहका ८ जना पुरुष छन् । पछिल्लोपटक थपिएका सबै पुरुष हुन् ।
योसहित नेपालमा कुल संक्रमित पुरुषको संख्या २०९ जना पुगेको छ । ४९ जना महिला छन् ।
