काठमाडौं : नेपालमा कोरोना परीक्षणको संख्या करिब ३७ हजार पुगेको छ । स्वास्थ्य तथा जनसंख्या मन्त्रालयको नियमित प्रेस ब्रिफिङमा मंगलबार मन्त्रालयका प्रवक्ता डा.विकास देवकोटाले दिएकाे जानकारी अनुसार पिसिआर र आरडिटी विधिबाट गरी ३६ हजार ७ सय १९ वटा परीक्षण गरिएको जानकारी दिएका छन् ।
मन्त्रालयका अनुसार प्रदेश नम्बर १ मा २ हजार ६२०, प्रदेश नम्बर २ मा ३ हजार ५९८, बागमती प्रदेशमा ५ हजार १५७, गण्डकी ४ हजार १८३, प्रदेश नम्बर ५ मा २ हजार ४८३, कर्णाली प्रदेशमा ३ हजार ७३८, सुदुरपश्चिम प्रदेशमा ६ हजार १७७ वटा रहेको छ।
साथै देशभर ७ हजार ६७ क्वारेन्टाइनमा छन् भने आइसोलेसनमा १ सय ७ जना रहेका छन्। काठमाडौं उपत्यकामा ६ जना र उपत्यका बाहिर १०१ जना आइसोलेसनमा रहेका छन्।
