काठमाडौँ । नयाँ कोरोना भाइरसको संक्रमणबाट विश्वभर मृत्यु हुनेको संख्या ६६ हजार हाराहारीमा पुगेको छ । संक्रमित पनि १२ लाखभन्दा माथि पुगेका छन् ।

कोरोनाको उद्‍गम देश चीनमा संक्रमण र मृत्यु नियन्त्रणउन्मुख हुँदै जाँदा इटालीमा सर्वाधिक मानवीय क्षति भएको छ । बढी मृत्यु हुने मुलुकको सूचिमा चीन सातौँ स्थानमा पुगेको छ । त्यहाँ ३ हजार ३२९ जनाले ज्यान गुमाएका छन् । त्यसमा शनिबार ३ जना थपिएका हुन् ।

इटालीमा करिब साढे १५ हजारको ज्यान गएको छ । त्यहाँ सवा लाख संक्रमित पुगिसकेका छन् । त्यहाँ १२ दशमलव ३२ प्रतिशतको मृत्यु हुने गरेको छ ।

त्यसैगरी स्पेनमा करिब १२ हजारको मृत्यु भइसकेको छ । कुल संक्रमितमध्ये स्पेनमा ९ दशमलव ४६ प्रतिशतले ज्यान गुमाएका छन् ।

अमेरिकामा तेस्रो बढी मानवीय क्षति भएको छ । त्यहाँ झन्डै साढे ८ हजारले ज्यान गुमाइसकेका छन् । फ्रान्स, बेलायत र इरान क्रमशः चौथो, पाँचौँ र छैटौँ स्थानमा छन् ।

उता सबैभन्दा बढी संक्रमित अमेरिकामा यथावत् छ । त्यहाँ बढ्ने क्रम पनि तीव्र छ । अहिले तीन लाख १२ हजारको हाराहारीमा कोरोना भाइरसको संक्रमित फेला परिसेका छन् ।

दोस्रोमा स्पेन छ । स्पेनमा एक लाख २६ हजारभन्दा बढी संक्रमित हुँदा इटालीमा एक लाख २५ हजार हाराहारी पुगेको छ ।

जर्मनीमा ९६ हजार, फ्रान्समा ९० हजार, चीनमा ८१ हजार र इरानमा ५६ हजारको हाराहारीमा संक्रमण देखिएका छन् ।

हेर्नुस् सबै देशको विवरण :