काठमाडौँ । चीनको वुहानबाट सुरू भएको नयाँ कोरोना भाइरस आधुनिक विश्वका लागि चुनौती बन्दै गएको छ ।

अल्पविकसित र विपन्न मुलुकमात्र होइन, विश्व शक्ति राष्ट्रहरूलाई समेत यसले थला पार्न थालेको छ । दैनिक कोरोना भाइरसको सङ्क्रमण र मृत्यु सङ्ख्या बढ्दै गएको छ ।

माघ ८ गतेसम्ममा यसको सङ्क्रमण ५ सय ५५ जनामा देखिएको थियो भने १७ जनाले ज्यान गुमाएका थिए । त्यतिबेलासम्म चीनमा मात्रै कोरोना भाइरस अहिले विश्वका सबैजसो मुलुकमा फैलिएको छ । करिब ११ लाख २० हजारको हाराहारीमा सङ्क्रमितको सङ्ख्या पुगेको छ भने ५९ हजारभन्दा बढीले ज्यान गुमाइसकेका छन् ।

त्यसयता निरन्तर सङ्ख्या बढ्ने क्रममा छ । यसबीचमा हरेक दिनजसो मृत्युको सङ्ख्या बढेको छ । अपवादका केही दिनमात्र अघिल्लो दिनभन्दा कम मानिस मरेको समाचार सुन्न पाइन्छ ।

अवस्था यस्तो छ कि कुल सङ्ख्याको करिब ६० प्रतिशत त पछिल्लो १० दिनमा सङ्क्रमित भएका हुन् ।
मृत्युको तथ्याङ्क पनि त्यस्तै छ । फागुन २४ तिर औसतमा एक सय जनाको हाराहारीले ज्यान गुमाएका थिए ।फागुन २५ मा पुग्दा यो सङ्ख्या तीन सयभन्दा खासै तल झरेन । चैत महिना त विश्वलाई अशुभ नै रह्यो । चैत ६ देखि मृत्यु ४ अङ्कमा पुग्यो । चैत ६ गते एक हजार १३४ जनाले ज्यान गुमाए । त्यसयता मृतकको सङ्ख्या कहिल्यै तीन अङ्कमा झरेन ।

चैत ११ देखि मृत्युको सङ्ख्याले दैनिक दुई हजारको आँकडा पार गर्‍यो । यो निरन्तर बढ्दै १५ गतेदेखि तीन हजारको आँकडा पार गर्‍यो । पछिल्लो १० दिनमा करिब ५२ हजार ९९० जनाको ज्यान गएको छ । शुक्रबार अहिलेसम्मकै सबैभन्दा धेरै ६ हजार ७५४ जनाले ज्यान गुमाए ।

हेर्नुस् दैनिक मृत्यु र सङ्क्रमण :