काठमाडौँ । कोरोना भाइरस विश्वकै लागि चुनौती बन्दै गएको छ । दिनहुँ मृत्यु हुनेको संख्या बढ्दै गएको छ ।

बुधबार ४ हजार २९२ जनाको मृत्यु भएकोमा बिहीबार यो आँकडा १५ सय हाराहारीले बढ्यो । बिहीबार ५ हजार ८१५ जनाको मृत्यु भयो । यो एकैदिन सबैभन्दा धेरै मृत्यु हो ।

हालसम्म झन्डै साढे ५३ हजारले ज्यान गुमाएका छन् । सङ्क्रमितको सङ्ख्या १० लाख २० हजार हाराहारीमा पुगेको छ । यो करिब ५ दशमलव २ प्रतिशत हो । अर्थात् विश्व तथ्याङ्क विश्लेषण गर्दा कोरोना भाइरसले प्रत्येक १०० जना सङ्क्रमितमध्ये ५ जनाभन्दा बढीको ज्यान लिने गरेको छ ।

उता सङ्क्रमितको सङ्ख्या पनि बढ्दै गएको पनि उकालो लाग्दै गएको छ । बिहीबारमात्रै ८७ हजारभन्दा बढी सङ्क्रमित थपिएका छन् । यो अहिलेसम्मकै उच्च अङ्क हो । कुल १० लाख २० हजारको हाराहारीमा सङ्क्रमितमध्ये पछिल्लो १० दिनमा झन्डै ६ लाख २२ हजारमा संक्रमण देखिएको छ । करिब ८० दिनमा देखिएका कुल सङ्क्रमितको ६० प्रतिशतभन्दा बढी पछिल्लो १० दिनमा भेटिएका हुन् ।

अझ पछिल्लो ५ दिनमामात्रै तीन लाख ५४ हजारभन्दा बढी सङ्क्रमित भएका छन् । त्यो कुल सङ्क्रमितको ३५ प्रतिशत हुन आउँछ ।

कुन देशमा कस्तो छ संक्रमण र मानवीय क्षति ?