तीन दिने नेपाल भ्रमणका क्रममा काठमाडौं आएका भारतीय स्थल सेनाध्यक्ष जनरल मनोज मुकुन्द नरावणे आज दिनभर धार्मिक क्षेत्रकाे भ्रमणमा व्यस्त बनेका छन् ।
उनले आज हनुमानढोका दरबार क्षेत्र अवलोकन गरेका छन् । आज दिउँसो उनी श्रीमती र भ्रमण टोली सहित वसन्तपुर पुगेका हुन् । नरावणेले हनुमानढोका दरबार अवलोकन गर्नुका साथै जीवित देवी कुमारीको दर्शन समेत गरेका थिए ।
त्यसपछि उनी पशुपति मन्दीरको दर्शन गर्न पुगेका थिए । श्रीमतीसहित आएका नरवाणेले पशुपति क्षेत्रको अवलोकन गरेका थिए । उनी सोल्टी होटलमा बसेका छन् ।
बिहीबार उनले सैनिक मञ्च टुँडिखेलस्थित वीरस्मारकमा श्रद्धाञ्जलि अर्पण गर्नेछन् । त्यसलगतै सैनिक मुख्यालय जङ्गी अड्डामा उनले सैनिक गारत निरीक्षण गर्ने कार्यक्रम छ ।
नेपालको तीन दिवसीय भ्रमण पूरा गरी जनरल नरवणेको नेतृत्वमा रहेको चार सदस्यीय भारतीय सेनाको टोली शुक्रबार स्वदेश फर्कनेछ ।