आयू द्रोणसुते श्रीयो दशरथे शत्रुक्षयं राघवे।
ऐश्वर्यं नहुषे गतिश्च पवने मानञ्च दुर्‍योधने।
दानं सूर्यसुते बलं हलधरे सत्यञ्च कुन्तीसुते।
विज्ञानं विदुरे भवन्तु भवतां कीर्तिश्च नारायणे ॥

माथिका पंति दशैंमा टीका लगाएर मान्यजनले दिने आशिर्वाद हुन् । यसको अर्थ र महत्व भने कमैलाई मात्र थाहा छ ।

त्यो श्लोकले भनेको छ:
द्रोणपुत्र अस्वत्थामाको जस्तो दीर्घायु बन्नू । राजा दशरथको जस्तो श्रीसम्पत्ति मिलोस् । भगवान् रामको जस्तो शत्रु नाश हुन् ।

त्यस्तै, नहुष राजाको जस्तो ऐश्वर्य प्राप्त होस् भनी मान्यजनले हामीलाई दिने गरेका छन् । पवनसुत हनुमानको जस्तो गतिशीलता, दुर्योधनको जस्तो मान, सूर्यपुत्र कर्णको जस्तो दानवीरताको कामना पनि मान्यजनले गर्ने गर्दछन् ।

हलधर बलरामको जस्तो बल, कुन्तीपुत्र युधिष्ठिरको जस्तो सत्यवादिता, विदुरको जस्तो ज्ञान र भगवान् नारायणको जस्तो कीर्ति प्राप्त होस् भनी आशिष दिने गरिएको छ ।