सोमबार स्थिर रहेकाे सुनकाे मूल्य आज सामान्य घटेकाे छ । सोमबार ९१ हजार ३०० रुपैयाँमा कारोबार भएको सुनको मुल्य मंगलबार घटेको छ । आज सुन प्रतितोला १०० रुपैयाँले घटेको हो ।
नेपाल सुनचाँदी व्यवसायी महासंघको अनुसार आज छापावाला सुन प्रतितोला ९१ हजार २०० रुपैयाँमा कारोबार भइरहेको छ । त्यस्तै, तेजाबी सुन प्रतितोला ९० हजार ७०० रुपैयाँमा खरिद विक्री भइरहेको छ । सोमबार ९० हजार ८०० रुपैयाँमा कारोबार भएको थियो ।
चाँदीको मुल्य भने सोमबारको तुलनामा प्रतितोला ५ रुपैयाँले बढेर १३ सय १५ रुपैयाँमा कारोबार भएको महासंघले जनाएको छ ।