काठमाडौं । सिटिजन्स बैंक र पेलेस एप्सबीच सिटिजन्स बैंकका कार्ड प्रयोगकर्तालाई विशेष छुट दिनेबारे सम्झौता भएको छ ।
समझदारीले सिटिजन्स बैंकका कार्ड प्रयोगकर्ता ग्राहकले पेलेस एप्ससँग आबद्ध चार सय ५० भन्दा बढी आउटलेटमा विशेष छुट पाउने भएका छन् ।
सिटिजन्स बैंक इन्टरनेसनल लिमिटेडले देशैभरि १०९ शाखा, ९८ वटा एटिएम र १०७ शाखारहित बैंकिङ इकाइबाट बैंकिङ सेवा प्रदान गर्दै आएको छ ।
हालसम्म सिटिजन्स बैंकको कार्ड नभएका ग्राहकलाई पनि तत्कालै नयाँ कार्ड उपलब्ध गराउन सिटिजन्स बैंकले इन्स्ट्यान्ट कार्डको व्यवस्था गरेको जनाएको छ ।