लकडाउनका कारण ४९ दिन बन्द भएको सेयर बजार नेप्से खुला भएको ३० मिनेटमै दोहोरो अंकले ओरालो लागेको छ । नेप्से सूचक १६.३५ अंकले घटेर १२३५.१० अंकमा पुगेको छ । सेयर सूचकको घट्ने क्रम भने जारी नै छ ।
खुलेको केही समयमै ओरालो लागेको सेयरमा अहिले सम्म ४९ कम्पनीको मात्र सेयर कारोबार भइरहेको छ ।
यसअघि लामो समयसम्म पूँजी बजार बन्द भएको भन्दै लगानीकर्ताले खोल्न दबाब दिएसँगै बोर्डले नेप्से, सीडीएससी,मर्चेन्ट बैंक लगायत सँग छलफल गरी २ घण्टा नेप्से खुला गर्ने निर्णय गरेको थियो । सोही बमोजिम आज ११ बजेदेखि १ बजे सम्म नेप्से खुला रहने छ ।
