सरकारले आफूखुसी कोरोनासम्बन्धी राहत कोष नबनाउन आग्रह गर्दै अहिलेसम्म बनेका कोषमा आफ्नो संस्थाको मात्र रकम जम्मा गरी हरेक साता सरकारी कोषमा दाखिला गर्न आग्रह गरेको छ ।
कोरोना रोकथामसम्बन्धी उच्चस्तरीय समितिको मंगलबार बसेको बैठकले आफूखुसी कोष बनाउन रोक लगाएको हो ।
सरकारले कोरोना भाइरस उपचार कोष बनाए को छ । तर, प्रदेशले पनि आ–आफ्नो कोष बनाएको छन् । त्यसैगरी, निजी क्षेत्रले पनि आफूखुसी राहत कोष बनाएर रकम जम्मा गर्न थालेका छन् ।
तर, समितिले सरकारले नै केन्द्रीय कोष बनाइसकेकाले सबैले यही रकम जम्मा गर्नु उपयुक्त हुने बताएको छ ।
सरकारका प्रवक्ता डा. खतिवडाले कथमकदाचित कुनै संंस्थाले कोष खडा गरिसकिएको भए यस्तो कोषमा आफू मातहतका संस्था, कर्मचारी वा निकायका व्यक्तिको मात्र रकम संकलन गर्ने र त्यो रकम प्रत्येक हप्ता केन्द्रीय कोषमा जम्मा गर्नुपर्ने निर्णय गरेको बताए ।
