कैलाली । कैलालीको घोडाघोडी नगरपालिकाका मेयर ममताप्रसाद चौधरीले उद्घाटन गरेको नवनिर्मित वडा कार्यालयमा सोही नगरपालिकाकी उपमेयरले ढुंगा हानेकी छिन् ।
सो नगरपालिकामा बनेका तीन नवनिर्मित वडा भवनमध्ये वडा नम्बर ७ को वडामा रहेको शिलालेखमा उपमेयर थापाले ढुंगा हानेकी हुन् । सो नगरपालिकाको शिलालेखमा आफ्नो नाम उल्लेख नगरेकाले आफूले ढुंगा हानेको उनको भनाइ छ । सो पालिकामा हाल ७, ५ र १२ मा नवनिर्मित भवन बनेका छन् ।
शिलालेखमा मेयर र वडा पदाधिकारीको मात्र नाम लेखेको भन्दै उनले मेयरविरुद्ध नाराबाजी गरिन् । यसका अलवा उनले शिलालेख परिवर्तन गरेर आफ्नो नाम समावेश नगर्दासम्म वडा कार्यालय उद्घाटनमा अवरोध गर्ने उनको भनाइ छ ।